आजरा (प्रतिनिधी):
कोल्हापूर जिल्हा वनविभाग (सामाजिक वनीकरण विभाग) यांच्या वतीने वन्यजीव सप्ताहाचे औचित्य साधून वन्यजीव संरक्षण, संवर्धन आणि पर्यावरण जनजागृतीच्या उद्देशाने विविध स्पर्धांचे आयोजन करण्यात आले होते. या अंतर्गत डॉ. झाकीर हुसेन अँग्लो उर्दू हायस्कूल व ज्युनियर कॉलेज, आजरा येथील विद्यार्थिनी कुमारी यूसरा याहया खान बुड्ढेखान हिने विविध उपक्रमांत उत्तुंग कामगिरी करत प्रथम क्रमांक पटकावला. तिच्या या उल्लेखनीय यशाबद्दल वनविभागाच्या अधिकाऱ्यांच्या हस्ते तिचा व तिच्या पालकांचा गौरव करण्यात आला.
गुरुवार, दि. ८ ऑक्टोबर २०२६ रोजी आयोजित या उपक्रमात इयत्ता ८ वी ते १० वी च्या गटासाठी चित्रकला व निबंध स्पर्धा घेण्यात आल्या. वन्यजीवांचे महत्त्व आणि निसर्गाचा समतोल या विषयांवर विद्यार्थ्यांनी आपल्या कला आणि विचारांच्या माध्यमातून प्रभावी सादरीकरण केले.
स्पर्धेचा निकाल पुढीलप्रमाणे:
चित्रकला स्पर्धा:
प्रथम क्रमांक: यूसरा याहया खान बुड्ढेखान
द्वितीय क्रमांक: सादिया माणगावकर
तृतीय क्रमांक: नोसीन बुड्ढेखान
निबंध स्पर्धा:
प्रथम क्रमांक: आयेशा माणगावकर
द्वितीय क्रमांक: सानिया जंगी
तृतीय क्रमांक: खादिजा आगा
सर्व विजेत्या विद्यार्थ्यांना मान्यवरांच्या हस्ते पारितोषिके देऊन सन्मानित करण्यात आले. बक्षीस वितरण समारंभास सामाजिक वनीकरण विभाग गडहिंग्लजचे वनपाल श्री. एस. के. निळकंठ, वनपाल श्रीमती एस. एस. पत्की, वनपाल श्रीमती एच. एम. शेलार तसेच वनरक्षक श्री. डी. ए. कदम प्रमुख पाहुणे म्हणून उपस्थित होते.
या वेळी शाळेचे मुख्याध्यापक, सर्व शिक्षकवृंद, शिक्षकेतर कर्मचारी तसेच पालक मोठ्या संख्येने उपस्थित होते. गुणवंत विद्यार्थ्यांच्या या यशाबद्दल शाळा व्यवस्थापन, शिक्षक व स्थानिक ग्रामस्थांकडून त्यांचे सर्वत्र कौतुक होत आहे.
